aa, ki meri jaan mei qaraar nahi hai

aa, ki meri jaan mei qaraar nahi hai 
taaqat-e-bedaad-e-intezaar nahi hai 

dete hain jannat hayaat-e-dehar ke badle 
nasha baa-andaaza-e-khumaar nahi hai 

giriyaa nikaale hai teri bazm se mujhko 
haaye! ki rone pe ikhtiyaar nahi hai 

humse abas hai gumaan-e-ranjish-e-khaatir 
khaak mei ushaq ki gubaar nahi hai 

dil se utha lutf-e-jalwa haaye maaniye 
gair-e-gul aaina-e-bahaar nahi hai 

qatl ka mere kiya hai ahad to baare 
haaye! agar ahad ustavaar nahi hai 

tu ne qasam maikashi ki khayi hai 'Ghalib' 
teri qasam ka kuchh aitbaar nahi hai

~ Ghalib

na ravaa kahiye, na sazaa kahiye

na ravaa kahiye, na sazaa kahiye
kahiye kahiye, mujhe buraa kahiye

dil mei rakhane ki baat hai gham-e-ishq
isko hargiz na barmalaa kahiye

ve mujhe qatl karke kehte hain
maanta hi na tha ye, kyaa kahiye

aa gayi aap ko masihaayi
marne waalo ko marhabaa kahiye

hosh udne lage raqeebon ke
"Daag" ko aur bewafaa kahiye

~ Daag Dehlvi

naseeb aazmaane ke din aa rahe hain

naseeb aazmaane ke din aa rahe hain
kareeb unke aane ke din aa rahe hain

jo dil se kaha hai jo dil se suna hai
sab unko sunaane ke din aa rahe hain

abhi se dil-o-jaan sar-e-raah rakh do
ke lutne lutaane ke din aa rahe hain

tapakne lagi un nigaahon se masti
nigaahen churaane ke din aa rahe hain

sabaa phir hame poochhti phir rahi hai
chaman ko sajaane ke din aa rahe hain

chalo "Faiz" phir se kahin dil lagaaye
sunaa hai thikaane ke din aa rahe hain

~ Faiz Ahmed Faiz

dastan-e-gham-e-dil unko sunayi na gayi

dastan-e-gham-e-dil unko sunayi na gayi
baat bigdi thi kuchh aisi ki banayi na gayi

sab ko hum bhool gaye josh-e-junoon mei lekin
ek teri yaad thi aisi ki bhulayi na gayi

ishk par kuchh na chalaa deedaar-e-tar ka jadoo
usne jo aag lagaa di vo bujhayi na gayi

kya uthayegi sabaa khaak meri uss dar se
ye qayamat to khud unse bhi uthayi na gayi

~ Jigar Moradabadi

kabhi kisi ko mukammal jahaan nahi milta

kabhi kisi ko mukammal jahaan nahi milta 
kahin zameen to kahin aasmaan nahi milta 

jise bhi dekhiye wo apne aap mei gum hai 
zubaan mili hai magar hum-zubaan nahi milta 

bujhaa saka hai bhala kaun waqt ke sholey 
ye aisi aag hai jisme dhuaan nahi milta 

tere jahaan mei aisa nahi ki pyaar na ho 
jahaan ummeed ho iski, wahaan nahi milta

~ Shahryar

aankh pyasi hai koi manzar de

aankh pyasi hai koi manzar de
is jazeere ko bhi samandar de

apna chehra talaash karna hai
gar nahi aaina to patthar de

band kaliyon ko chaahiye shabnam 
in chirago mei roshni bhar de

pattharon ke saron se karz utaar
is sadi ko koi payambar de

kah-kahon mei guzar rahi hai hayaat
ab kisi din udaas bhi kar de

~ Rahat Indori

aaj bhi hain mere kadmo ke nishan awara

aaj bhi hain mere kadmo ke nishan awara 
teri galiyo mei bhatak te the jahan awara 

tujhse kya bichhde to ye ho gayi apni haalat 
jaise ho jaaye hawaon mei dhuaan awara 

mere sheron ki thi pehchaan usi ke dam se 
usko kho kar huye benaam-o-nishan awara 

jisko bhii chaha usse toot ke chaha "Raashid" 
kam milenge tumhe hum jaise yahan awara

~ Mumtaz Rashid