naseeb aazmaane ke din aa rahe hain
kareeb unke aane ke din aa rahe hain
jo dil se kaha hai jo dil se suna hai
sab unko sunaane ke din aa rahe hain
abhi se dil-o-jaan sar-e-raah rakh do
ke lutne lutaane ke din aa rahe hain
tapakne lagi un nigaahon se masti
nigaahen churaane ke din aa rahe hain
sabaa phir hame poochhti phir rahi hai
chaman ko sajaane ke din aa rahe hain
chalo "Faiz" phir se kahin dil lagaaye
sunaa hai thikaane ke din aa rahe hain
~ Faiz Ahmed Faiz
raaz-e-ulfat chhupa ke dekh liya
dil bahut kuchh jala ke dekh liya
aur kya dekhne ko baaki hai
aap se dil laga ke dekh liya
wo mere hoke bhi mere na huwe
unko apna banaa ke dekh liya
aaj unki nazar mei kuchh humne
sabki nazrein bachaa ke dekh liya
'Faiz', taqmeel-e-gham bhi ho na saki
ishq ko aazma ke dekh liya
aas uss dar se toot-ti hi nahi
dono jahan teri mohabbat mei haar ke
wo ja raha hai koi shab-e-gham guzaar ke
veeraan hai maikada, khum-o-sagar udaas hai
tum kya gaye ki rooth gaye din bahaar ke
ik fursat-e-gunaah mili, wo bhi chaar din
dekhe hain humne hausley parvar-digaar ke
duniya ne teri yaad se begana kar diya
tujh se bhi dil fareb hain gham rozgaar ke
tumhari yaad ke jab zakhm bharne lagte hain
kisi bahaane tumhe yaad karne lagte hain
hadees-e-yaar ke unvaa nikharne lagte hain
to har hareem mei gesu sawarne lagte hain
har ajnabi hame mehram dikhayi deta hai
jo ab bhi teri gali gali se guzarne lagte hain
sabaa se karte hain gurbat-naseeb zikr-e-watan
to chashm-e-subah mei ansoo ubharne lagte hain
vo jab bhi karte hain is nutq-o-lab ki bakhiyaagari
fazaa mei aur bhi nagme bikharne lagte hain
dar-e-qafas pe andhere ki muhar lagti hai
to 'Faiz' dil mei sitaare utarne lagte hain
