dono jahan teri mohabbat mei haar ke
wo ja raha hai koi shab-e-gham guzaar ke
veeraan hai maikada, khum-o-sagar udaas hai
tum kya gaye ki rooth gaye din bahaar ke
ik fursat-e-gunaah mili, wo bhi chaar din
dekhe hain humne hausley parvar-digaar ke
duniya ne teri yaad se begana kar diya
tujh se bhi dil fareb hain gham rozgaar ke
mat poochh val-valey dil-e-na-kardakaar ke
~ Faiz Ahmed Faiz
No comments:
Post a Comment